Top Channel/ Sherr në Elbasan me një të plagosur. Transportohet tek Trauma në Tiranë, kapet autori

Një 41 vjeçar me inicialet A.Q është plagosur, mbrëmjen e së dielës pas konfliktit me një 24 vjeçar në lagjen “Vullnetari” në Elbasan. Ende nuk dihet për çfarë arsyesh ka ndodhur konflikti, ndërsa gjatë përleshjes 41 vjeçari është rrëzuar në shkallët e lokalit ku ndodhej dhe për pasojë është dëmtuar rëndë në kokë. Menjëherë është bërë transportimi i tij drejt spitalit Universitar të Traumës ku po merr ndihmë të specializuar, ndërsa policia ka arritur që të arrestojë 24 vjeçarin e përfshirë në sherr. Arrestimi i tij u bë pas disa orësh kërkime, teksa i riu ishte larguar nga vendi i ngjarjes. Policia njoftoi se materialet i kanë kaluar Prokurorisë për ndjekjen e plotë të ngjarjes.