Dy ditë para zgjedhjeve vendore, Ambasada e Shteteve të bashkuara në Tiranë u ka bërë thirrje të gjithë partive politike dhe institucioneve përgjegjëse që të sigurojnë mbarëvajtjen e procesit që të kryhet në përputhje me ligjin shqiptar dhe me standardet ndërkombëtare. Zgjedhjet, thotë ambasada, ashtu si edhe proceset e mëparshme elektorale në vend do të monitorohen dhe se SHBA do të mbështesë vullnetin e popullit shqiptar për demokraci të fortë. “Zgjedhjet janë themeli i demokracisë. Drejtuesit e partive patën detyrimin të propozojnë kandidatë të pastër, të denjë për të përfaqësuar popullin shqiptar dhe tani vendimi duhet të jetë në dorën e qytetarëve. Siç kemi bërë gjatë tre dhjetëvjeçarëve të shkuar, Shtetet e Bashkuara do të mbështesin vullnetin e popullit shqiptar për demokraci të fortë.”, thotë ambasada amerikanë e në një postim në facebook.