Agjensitë federale në SHBA po hetojnë dy incidente të cuditëshme në tokën amerikane, njëra prej të cilave, nje prej te cileve u regjistrua shumë pranë Shtëpisë së Bardhë. CNN i quan “ sulme misterioze të padukshme” , si ato qe kanë shkaktuar simptoma shqetësuese tek dhjetëra pjesëtarëve të personelit amerikan. Burime të shumta konfirmuan se në hetime është përfshirë edhe Pentagoni, por ende nuk ka një konkluzion të qartë se cfarë ndodhi saktësisht. Vete fakti sidoqofte që dicka e tillë është diktuar shumë pranë rezidencës presidenciale, është parë si arsye e mjaftueshme për t`u alarmuar. Zyrtarë të mbrojtjes informuan ligjvënës të komiteteve të forcave të armatosura në Dhomën e Përfaqesuesve dhe Senat mbi incidentet, duke sqaruar se njëri prej tyre ndodhi pranë Elipsit, në krahun jugor të Shtëpisë së Bardhë, ku një anëtar i Këshillit të Sigurisë Kombëtare në ato momente është ndjerë shumë keq. Një tjetër zyrtare kujtoi sesi kishte kaluar neper dicka të ngjashme në 2019-tën. Simptomat e raportuara prej tyre ngjasojnë shumë me ato të pësuara nga punonjës të CIA-s dhe departamentit të shteti jashtë kufijve, cka bëri që ngjarjet e fundit të konsiderohen si një sulm i mundshëm i ngjashem me “sindromën e Havanës”, një emër ky që i referohet shenjave të pashpjegueshme te shfaqura nga personeli amerikane në Kubë ne 2016-tën, me ankesa qe perfshinin zhurmat në vesh, marramendjen, dhimbje të forta koke, të përzjera apo të vjella, të gjithe keto te shoqeruara në disa raste nga një zhurme e fortë e paidentifikuar.