Propozimi ndarjen e një parcele prej 27.400 metrash katrorë për Policinë e Kosovës, me kërkesë të Ministrisë së Punëve të Brendshme të Kosovës u miratua nga anëtarët e Kuvendit Komunal të Mitrovicës së Veriut, por nuk kaloi pa shkaktuar reagimin e Serbisë. Në atë zonë janë Ndërmarrja Publike "Standard", Ndërmarrja Publike e Ujësjellësit dhe Autoriteti i Përkohshëm Komunal, të cilat punojnë që të gjitha sipas sistemit serb. Drejtori i Zyrës për Kosovën në Qeverinë e Serbisë, Petar Petkovic e cilësoi këtë si një “rrëmbim toke” nga ana e Prishtinës në Mitrovicën veriore. Caktimi i parcelës ku janë vendosur institutcionet e Serbisë, tha ai, është bërë pa njoftim, pa diskutim publik apo konsultim me qytetarët, me qëllimin të krijojë një “fortifikim të ri policor” në zonat serbe. Petkovic për këtë lëvizje ka njoftuar autoritetet ndërkombëtare dhe pret reagimin e tyre. Ai kujtoi se ndërmarrjet komunale "Standard" dhe "Ujësjellësi", të vendosura në atë pjesë toke, kanë punësuar më shumë se 300 persona. Ai e përshkroi këtë si tentativë për të shkaktuar një krizë të re në veri të Kosovës dhe për të shmangur kështu obligimet e Prishtinës në themelimin e Asociacionit të komunave me shumicë serbe, por edhe për të penguar procesin e shkarkimit të kryetarit, të iniciuar nga serbët lokalë. Kryetari i Kuvendit të Komunës së Mitrovicës së Veriut, Nexhat Uglanin, shpjegoi megjithate për REL parcela që i është dhënë Ministrisë së Punëve të Brendshme të Kosovës ka disa objekte ku janë të vendosura institucionet serbe si dhe një sallë sportive, e cila është ndërtuar me fondet e BE-së. Ai ka dhënë përgjigje se çfarë do të ndodhë me objektet ekzistuese.