Për të analizuar ngjarjen që solli nëntoka në 2019 me qëllimin për të patur një të ardhme më të sigurtë sizmike në vend, doli në botim libri “”Tërmeti I 26 nëntorit dhe cfarë mund të mësojmë prej tij” me autorë akademikun Rrapo Ormënin që njihet si profesori i tërmetit; dhe bashkëautorë ekspertin e sizmilogjisë turk Serkan Ozturk. “Ky është një kontribut jo vetëm për komunitetin shkencor, por gjithashtu edhe për shoqërinë që të mësojmë si të mbrohemi. Është një bashkëpunim ndërkombëtar, me sizmiologun turk sepse Turqia ka aktivitetin më të madh sizmik”. Përurimi i librit në Akademinë e Shkencave, vjen në kuadër të panairit të 27 për të pasuruar literaturën shkencore në fushën e gjeoshkencave. Autorët ndajnë informacione dhe këshilla mbi tërmetin dhe kërkojnë përmes librit përmirësimin e masave para se të ndodh fenomeni natyror. “Ngjarja e tërmetit të 26 nëntor konsiderohet e vecantë nga autorët për shkak të paragoditjes së fortë që ndodhi në 21 shtator 2019, e njohur si tërmet pararendës ndodh shumë rrallë dhe konsiderohet një paralajmërim i mundshëm për tërmetin kryesor që pason. Tërmeti i 26 nëntorit nxorri në pah disa dobësi sic janë ato të infrastrukturës, sistemit të menaxhimit të emergjencave, kodet e ndërtimit dhe hartat sizmike”. “ Autorët në këtë libër analizojnë nivelin sizmik të lartë në zonën perëndimore të Shqipërisë, e cila shtyn bërjen e parashikimeve afatmesme. Për vlerësimin sizmiologjik sugjerojnë si metodologjinë më të mirë përdorimin e të dhënave historike”.