Gjatë muajit mars, policia e shtetit ka ndërmarrë 90 operacione policore duke vënë në pranga 553 persona, të dyshuar për vepra të ndryshme penale. 9 prej operacioneve kanë qenë bashkëpunime me partnerët europianë dhe Emiratet e Bashkuara Arabe, duke arritur të kapen shtetas të shpallur në kërkim ndërkombëta për pjesëmarrje në organizata kriminale të trafikimit të narkotikëve, krime kundër personit dhe krime ekonomike. 13 shtetas u ekstraduan si rezultat i bashkëpunimit të Policisë së Shtetit, me partnerët kosovarë, spanjollë, britanikë, italianë dhe gjermanë. Në bilancin e marsit policia e shtetit përmend zbulimin e 3 bazave me armatime në Durrës dhe në Vlorë ku furnizoheshin grupet kriminale, me armë, municion, mjete dhe sende kamuflimi për të kryer krime të rënda. Gjatë këtij muaji janë sekuestruar 3 mina me telekomandë, 53 armë zjarri që do të trafikoheshin ose do t’i shiteshin kontigjentit kriminal, sasi shumë të mëdhaja fishekësh të kalibrave të ndryshme, 37 336 kubikë me fara dhe fidanë cannabisi, 9700 farave cannabisi, rreth 100 kilogramëve cannabis, rreth 1.2 kilogramëve kokainë dhe mijëra dozave të këtyre lëndëve; 207 285 euro me burime të dyshimta. Janë zbardhur 130 vjedhje dhe janë arrestuar ose proceduar në gjendje të lirë 136 shtetas, për dhunë në familje;janë goditur 142 raste të krimeve mjedisore, për të cilat janë sekuestruar 17 mjete të rënda që gërryenin shtretërit e lumenjve, transportonin inerte, dhera, dru të prera në mënyrë të kundërligjshme apo materiale për ndërtime pa leje. anë vënë në pranga 135 drejtues mjetesh, nga të cilët 94 për drejtim të mjetit në gjendje të dehur dhe 41 për drejtim të mjetit pa leje drejtimi.