Kryeministri Edi Rama thotë se aksioni për lirimin e hapësirave publike nuk është sezonal por do të shtrihet në kohë gjatë të gjithë mandatit të katërt qeverisës. EDI RAMA- “Rilindja urbane 2.0 është program që do të vazhdojë 4 vjet dhe ky proces do të jetë konstant. Nuk është aksion apo sulm veror. Dhe ata që thonë se pse nuk e lije dot për në dimër, jo nuk e linim dot në dimër. Jo se kishim turistë nëpër këmbë, çështja e turistëve lidhet me dy apo tre gjera të tjera për të cilat do të llafosemi në shtator, duke filluar nga një pjesë e industrisë që nuk po mendon fare strategjikisht, por vetëm ‘kap ca të kapësh sot', dhe po i bën gropën vetes nesër, pasi ato investime që po bën nuk do t’i shlyejë nëse sot vendos çmime të cilat do të hapin me shumë shpejtësi fjalën që është shumë shtrenjta në Shqipëri. Kryeministri edhe njëherë tjetër shpalosi pakënaqësi për pushtetin lokal.