“Algoritmi rrjeteve sociale nuk njeh përgjegjësi, por vetëm vëmendje dhe agjitatorët e algoritmit po përmbysin realitetin dhe përhapin helm në shoqëri” kështu u shpreh kryeministri Edi Rama dy muaj më parë. Theksoi se sheshi protestës është studioja për të ushqyer algoritmin. Duke e vendosur në kontekstin e Shqipërisë, për ti dhënë një shpjegim edhe më të detajuar se çfarë synon algoritmi rrjeteve sociale, kryeministri Edi Rama ndau në rrjetet sociale një deklarim të nje prej filozofeve me te njohur tw kohwve moderne. “Shkurt e qartë për algoritmin nga Yuval Noah Harari, një nga mendjet më largapamëse të botës së sotme” shkruan kryeministri Rama. YUVAL NOAH HARARI- “Algoritmi rrjeteve sociale iu dha si objektiv jo krijimi besimit, jo krijimi i së vërtetës, por krijimi angazhimit. Objektivi që iu dha algoritmit të Facebookut, algoritmit të X, algoritmit të TikTok është rritja e ndërveprimit të përdoruesve. Dhe kjo tingëllon bukur pra angazhimi. Duket diçka e mirë por ajo që është në të vërtetë është se algoritmet, eksperimentuan në miliona në miliarda njerëz si mbi kavie njerëzore. Si ti bëjmë njerëzit më të angazhuar. Si ti bëjmë njerëzit të kalojnë më shumë kohë në platformë dhe të reagojnë më shumë ndaj saj. Përshembul, ta ndajnë sa më shumë përmbajtjen me miqtë e tyre. Yuval Noah Harari shpjegon më tej si rrjetet sociale po përdorin 3 elementë në shërbimin të algoritmit.