Presidenti rus Vladimir Putin shpalli tre ditë armëpushim të njënashëm në Ukrainë, dhe i bëri thirrje Kievit të pajtohet me pauzën në luftime. Kremlini njoftoi se pushimzjarri 72 orësh nis nga mesnata e 8 majit, dhe duket, nuk është aq e rastësishme që ai koincidon me kremtimet e fundit të Luftës së Dytë Botërore. Ukraina ende nuk i është përgjigjur kësaj lëvizjeje të Moskës, e cila vjen mes presionit në rritje nga Shtetet e Bashkuara që pala ruse të pranojë një armëpushim të plotë në konfliktin tashmë tre vjecar. Rusia shënon në 9 maj 80 vjetorin e përfundimit të “Luftës së Madhe Patriotike”, që është termi i përdorur prej për luftën me Gjermaninë në 1942-1945. Përvjetore të tilla, atje janë kremtuar përgjithësuar me ceremoni në mbarë vendin dhe parade ushtarake madhështore. Në një deklaratë, Kremlini i bëri thirrje Kievit që t’i bashkohet armëpushimit të përkohshëm, por u zotua se në rast të shkeljeve nga pala ukrainase, forcat e tij të armatosura do të japin një “përgjigje të duhur dhe efektive”. Moska pati njoftuar një armëpushim të ngjashëm 30-orësh edhe gjatë Pashkëve, por ai nuk mbajti e të dyja palët akuzuan njëra-tjetrën për shkeljen e fjalës së dhënë. Armëpushime janë tentuar më shumë se 20 herë në Ukrainë – e të gjitha kanë dështuar, disa prej tyre madhe vetëm brenda pak minutash nga hyrja në fuqi.