Presidenti i Rusisë, Vladimir Putin, po viziton Mongolinë, teksa shteti mikpritës nuk ka shfaqur shenja se do t’i dëgjojë thirrjet për arrestimin e tij në bazë të një fletarrestimi ndërkombëtar. Gjykata Ndërkombëtare Penale (GJNP) vitin e kaluar lëshoi fletarrestim për Putinin, të cilin e akuzon për dëbim dhe transferim të paligjshëm nga pjesët e pushtuara të Ukrainës për në Rusi. Para vizitës, Ukraina i bëri thirrje Mongolisë që ta dorëzojë Putinin te gjykata në Hagë. Bashkimi Evropian, ndërkaq, shprehu shqetësime se Mongolia, shtet anëtar i GJNP-së, nuk do ta respektojë këtë fletarrestim. Madje, zyrtarët në Mongoli e pritën me nderime të larta Putinin. Vizita e Putinit përkon me 85-vjetorin e fitores të trupave sovjetike dhe mongoleze ndaj ushtrisë japoneze në më 1939. Ndërkohë, vetë mongolët ndajnë mendime të ndryshme për vizitën e Putinit. Një pjesë e qytetarëve që ishin kundër kësaj vizite, organizuan një protestë në kryeqytetin mongol, ndërsa mbanin në duar pankarta me thirrjet "largoni kriminelin e luftës Putin nga këtu".