Turqia e konsideroi një veprim provokues afrimin e një anije kërkimore franceze të shoqëruar nga një fregatë greke në shelfin e saj continental. Në 15 prill, thuhet në njoftimin e publikuar së fundi, kur ministry I jashtem grek Nikos Dendias ishte në Ankara për bisedime me homologun turk, Mevlut Cavusoglu, Greqia lëshoi një NAVTEX tre ditor, ku informonte se anija e Francës, “L’Atalante” do të zhvillonte kërkime në jug të ishujve të Kretës e të Rodit në Mesdheun Lindor. Turqia u përgjigj menjëherë po me një mesazh NAVTEX duke I treguar se zona e përcaktuar prej grekëve për kërkime në fakt ishte pjesë e shelfit continental turk dhe se Athina nuk kishte asnjë autoritet mbi të. Pavaraësisht kësaj, L’Atalante, e shoqëruar nga fregata greke “Elli,” hyri në zonë në 17 prill. Dy fregata turke iu afruan menjëherë, por francezët dolën me pretendimin se ishin në ujra ndërkombëtare e aty nuk kishin nevojë për leje lundrimi. Ngërci nuk zgjati shumë dhe francezët e grekët u larguan, ndërsa ministria e jashtem turke mësohet të ketë thirrur ambasadorët e të dy vendeve për të protestuar ndaj këtij episodi.