Për të 5 ditë radhazi banorët e Korçës kanë vazhduar protestën e tyre. Dhjetëra qytetar janë mbledhur në zonën këmbësore të qytetit, ku le pankarta e flamuj në duar kanë shprehur pakënaqësitë e tyre lidhur me situatën ekonomike, emigracionin, sistemin shëndetësor dhe politikat që sipas tyte ua kanë vështirësuar përditshmërinë. Në protestë nuk kanë munguar as emigrantët që kanë ngritur shqetësimin për largimin masiv të shqiptarëve dhe boshatisjen e qyteteve. Protestuesit më tej kanë vijuar marshimin në bulevardet kryesore të qytetit dhe kanë bërë thirrje për vijimin e protestave edhe në ditët në vazhdim. Valës së protestave që prej ditësh ka përfshirë Tiranën dhe qytete të tjera të vendit i është bashkuar edhe Lezha. Shumë qytetarë u mblodhën këtë mbrëmje në qendër të qytetit, duke marshuar në rrugët kryesore dhe duke shprehur pakënaqësitë e tyre për situatën ekonomike dhe sociale në vend. Ndrëkaq, dështoi protesta në Elbasan, pasi thirrjes për marshim iu bashkuan një numër shumë i vogël qytetarësh.