Në mesin e përshkallëzimit të tensioneve mes Kievit e Moskës, presidenti ukrainas Volodimir Zelensky i kërkoi shefit të Kremlinit, Vladimir Putin të takohen për bisedime në zonën e konfliktit, në rajonin e Donbasit, me qëllimin t`I japing fund këtij ngërci. Zelenski e bëri ftesën e tij gjatë një mesazhi video të përcjellë mbrëmjen e së martës, në të cilën I kërkonte njëkohësisht mbështetësve perëndimorë të Kievit të dërgonin sinjale të qarta se janë të gatshëmë ta mbështesin vendin e tij në këtë përballje me Rusinë. Kievi dhe Moska ia hedhin fajin njëri tjetrin për ripërtëritjen e dhunës në Donbas, ku forcat ukrainase luftojnë me forcat e mbështetura prej rusëve që nga viti 2014. Gati 14 mijë persona llogaritet të kenë humbur jetën në këtë konflikt. “ Zoti Putin, jam gati të shkoj një hap më tej e t`ju ftoj të takohemi ku të doni në rajonin e Donbasit, ku po zhvillohet një luftë”, tha Zelenski. Tensionet në kufi e shtynë Ukrainës të kërkonte pranimun sa më shpejtë në radhët e Natos. Kievi I bëri po ashtu thirrje BE-së të vendosë sanksione të reja ekonomike mbi Moskën, edhe pse e pranoi më pas se blloku mund të mos jetë ende I përgatitur për një gjë të tillë. “ Qytetarët tanë kanë nevojë për sinjale të qarta se në vitin e tetë të luftës, një vend si ky I yni që është mburojë për Europën me koston e jetëve te tij, do të marrë mbështetje jo vetëm si partnerë, sic jemi aktualisht, por si lojtarë të të njëjti ekip, atje jashtë në terren krah për krah me njëri-tjetrin”, ishte mesazhi I Zelenskit.