Kryetari i Kuvendit të Maqedonisë së Veriut Talat Xhaferri udhëtoi të martën drejt Kievit, duke u bërë kështu politikani i parë i i rajonit por edhe shqiptar që shkon në ukrainë që kur nisi pushtimi. Ai ka udhëtuar drejt Ukrainës me ftesë të Kryetarit të Kuvendit të Ukrainës, Rusllan Stefançuk. “Sot, me ftesë të homologut tim Stefançuk jam në vizitë në Kiev. I vizitova Irpinin dhe Hostomelin. Lufta mban aromë tjetër në vendngjarje ndryshe nga ajo në fotografi. Qetësia është ndryshe në zonat luftarake”, ka shkruar Xhaferi në profilin e tij në rrjetet sociale. Jozyrtarisht është raportuar se Xhaferi ka mbërritur në mëngjes në Kiev përmes një udhëtimi me tren nga Polonia. Njëkohësisht, në vizitë në Ukrainë po qëndrojnë edhe kryetarët e Parlamentit të Rumanisë dhe Konfederatës Zvicerane. Në një paqyrim që mediat ukrainase kanë bërë për këtë viztë, xhaferri citohet të ketë thënë: "Për ne është e rëndësishme të shohim nga afër se çfarë ndodhi këtu. Ne në Ballkanin Perëndimor i kemi të freskëta kujtimet nga imazhet e këtilla që i shihnim jo më gjatë se dy dekada më para, e kemi të freskët Reçakun në Kosovë, e freskët është Srebrenica në Bosnjë dhe Hercegovinë dhe gjithsesi mendoj se ne ju kuptojnë dhe e dimë më së miri çfarë do të thonë këto imazhe që i shohim këtu. Kjo vizitë e Kryetarit Xhaferi është e para e këtij lloji e përfaqësuesit të lartë nga rajoni dhe vizitë e parë e të gjitha niveleve të pushtetit në Republikën e Maqedonisë së Veriut.