një numër shumë i madh policësh rus patrulluan qendrën e moskës të enjten pasi donin të parandalonin protestat kundër luftës. Autoritetet në Rusi kishin njoftuar se mund të kishte grumbullime te qytetarëve rus që janë kundër luftës. Ndërkohë nga Ukraina vijonin raportime për betejën për kapjen e një fushe ajrore ushtarake në veri të Kievit. " Fusha ajrore e Gostomel, e cila gjendet pranë aeroportit Antonov është pika më e afërt me kryeqytetin ku kanë arritur forcat ruse. Rezidenti lokal Alexander Kovtonenko, tha se kishte parë dy avionë që kishin lëshuar predha ndaj njësive tokësore ukrainase. "Të shënat vazhduan për gati tre orë, disa avionë fluturuan mbi zonë dhe të shtënat rinisën," tha ai për rrjetin AFP. Më herët rojet kufitare të Ukrainës konfirmonin se forca tokësore ruse të shoqëruar nga tanke kishin ardhur nga kufiri me Bjellorusinë drejt rajonit të Kievit.