Top Channel/ Pogradeci hap sezonin/ Qyteti buzë liqenit është gati për të pritur turistët këtë verë

Pogradeci ka çelur zyrtarisht sezonin turistik veror. Qyteti liqenor synon të tërheqë sa më shumë pushues gjatë kësaj vere, ndërsa ka ofruar shumë argëtime përmes aktiviteteve të ndryshme që do të shtrihen gjatë gjithë verës dhe që synojnë ta bëjnë sa më argëtuese të gjithë kohën e pushimit që turistët do të kalojnë aty. Gama e pasur e traditës jo vetëm në kulinari apo mikpritjen pogradecare, por edhe në aspekte të tjera prej kohësh është kthyer në një tërheqje për vizitorët që vijnë jo vetëm nga Shqipëria por edhe vende të tjera.