Për analistin politik Dragomir Angjelkoviç, plani pesëpikësh me të cilin Aleksandar Vucic reagoi ndaj zhvillimeve në veri të Kosovës, është në fakt thjesht një përpjekje për të fshehur përgjegjësitë e tij. Masat e autoriteteve në Prishtinë, të cilat shkaktuan tensione të reja Serbi-Kosovë ishin arsyeja e një "fjalimi të posaçëm” të shumetrumpetuar të kreut të shtetit serb. Përmes tij Vuçiç u përpoq në një farë mënyre të ndalte kritikat e opozitës, e cila gjatë gjithë verës i ka mëshuar idesë se autoritetet serbe nuk bëjnë asgjë për të ndalur persekutimin e serbëve dhe institucioneve serbe në Kosovë. Madje u spekulua se mediat e regjimit kishin marrë udhëzime, që të shkruhej sa më pak për temën e Kosovës dhe në vend të saj të theksohej tema e nxjerrjes së litiumit, shkruan mediat në Gjermani. Kritikat kulmuan javët e fundit, sepse në vend që të kishte një qëndrim zyrtar të qeverisë, Aleksandar Vuçiç organizoi një tubim politico-mediatik në Podrinje, , ndërsa Prishtina demontonte simbolet e fundit të ekzistencës së institucioneve serbe në Kosovë. Pikërisht pas këtyre kritikave, thotë Angjelkoviç, Vucic akuzoi për hipokrizi Perëndimin e doli doli në opinion me planin prej pesë pikash, ku theksoi kthimin në gjendjen e mëparshme - mbajtjen e zgjedhjeve lokale në veri të Kosovës, kthimin e gjyqtarëve dhe prokurorëve serbë, tërheqjen e forcave speciale të policisë së Kosovës nga veriu, formimin e menjëhershëm të Asociacionit të Komunave Serbe, lirimin e të gjithë "të burgosurve politikë” dhe mundësimin e kryerjes së pagesave. Analisti politik ndan bindjen se në këtë mënyrë Vuçiç po përpiqet të kalojë fajin e tij te Perëndimi. "Vendet perëndimore, që e kanë njohur Kosovën, sigurisht që ndihmojnë në proceset e pavarësisë së Kosovës, por problemi është, kur presidenti i Serbisë u ndihmon në këtë. Sa herë që ka thënë se gjoja e kanë mashtruar, ai ka vazhduar të bëjë lëshime. Kështu që Vuçiçi e paguan me Kosovën tolerimin e sundimit të tij autokratik”, ishte komenti i tij.