Policia në kili përdori ujë me presion në kryeqytetin Santiago, ndaj demonstruesve që protestuan në nder të gazetares së vrarë Francisca Sandoval. Ajo u qëllua për vdekje teksa merrte pjesë në demonstratat e Ditës Ndërkombëare të Punëtorëve më 1 Maj. Protestuesit kanë qëndruar prej ditësh në memorialin e saj në sheshin kryesor Piaza Italia duke ngritur kampe e barrikada. Rreth 200 persona iu përgjigjën thirrjes për të nderuar 30 vjeçaren që u qëllua me plumb në kokë teksa raportonte marshimin e sindikatave. Më herët familjarët e Sandoval kishin shpërndarë mesazhe për shmangien e dhunës dhe nuk treguan vendin e funeralit për të shmangur grumbullimet. Ata thanë se e bëjnë këtë për të mbrojtur vajzën e vogël që gazetarja la pas. Krimi u dënua nga autoritetet kilene, duke përfshirë presidentin Gabriel Boric, dhe organizatat ndërkombëtare.