Shtetet e Bashkuara të Amerikës dhe Vietnami përshëndetën marrëveshjen e nënshkruar mes tyre për ngritjen e nivelit të marrëdhënieve strategjike. Presidenti amerikan, Joe Biden në takimin e zhvilluar në Hanoi me homologun vietnamez Vo Van Thuong, foli për nevojën e thellimit të bashkëpunimit për t’u bërë ballë "sfidave më të rëndësishme” të dy popujve. Ai kërkoi gjithashtu që dy vendet të vazhdojnë partneritetin edhe në fusha të tjera, si në atë të investimeve por dhe inovacionit. Bisedimet e së hënës erdhën një ditë pasi Shtetet e Bashkuara dhe Vietnami ngritën marrëdhëniet e tyre në një "partneritet gjithëpërfshirës strategjik" - një lëvizje që Shtëpia e Bardhë e përshkroi si "të pashembullt dhe të rëndësishme". Presidenti amerikan pohoi se forcimi I marrëdhënieve me Vietnamin nuk synon të frenojë Kinën. Pak orë pas takimeve të zhvilluara mes udhëheqësve, Shtëpia e Bardhë njoftoi nënshkrimin e një marrëveshje prej 7.8 miliardë dollarësh midis kompanive ajrore të dy vendeve. Pamjet: AFP