Top Channel/Pamje nga aksidenti në “Buzmadh” të Fierit, dy persona vdiqën dhe u plagosën 4 të tjerë

Një aksident i rëndë është shënuar mbrëmjen e sotme në fshatin “Buzmadh”, në aksin rrugor Levan-Tepelenë në Fier, ku raportohet për dy persona të vdekur dhe katër të plagosur. Ende nuk është bërë i ditur identiteti i viktimave dhe të plagosurve, ndërsa bëhet me dije se automjetet ishin të tipit “Zafira” dhe “Ford”. Siç shihet edhe nga pamjet e siguruara nga “Top Channel”, makinat e përfshira në aksident kanë pësuar dëmtime të mëdha. Grupi hetimor ndodhet në vendngjarje dhe po punon për zbardhjen e shkakut të aksidentit si edhe identifikimin e personave që janë plagosur dhe kanë ndërruar jetë.