Protestues palestinezë u përplasën me forcat izraelite të sigurisë pas një demonstrate kundër ndrtimit të kolonive të reja izraelite në fshatin Beita, në tokat e pushtuara të Bregut Perëndimor. Protestuesi Abdul Daikat, tha për AFP se banorët e Beita do të mbrojnë tokën e tyre me çdo kosto. "Me këtë protestë i themi pushtuesve që janë njerëz pa komb, se Beita është besnike ndaj martirëve të saj që kanë derdhur gjakun”. “Beita do të mbrojë tokën e saj me çdo kosto dhe do të rezistojë derisa të ketë fuqi”, tha ai. Një ditë më parë u vra një palestinez 17-vjeçar nga plumbat e forcave izraelite gjatë konfrontimeve në qytetin Xhenin në Bregun Perëndimor, thanë autoritetet palestineze. Mohammed Abu Salah u vra në fshatin Silat kur ushtria erdhi për të shkatërruar shtëpinë e një palestinezi të akuzuar për vrasjen e një koloni izraelit. Forcat izraelite ishin të shoqëruara nga një bulldozer ushtrak dhe ndaluan qarkullimin e mjeteve në zonë. Dhjetra palestinezë erdhën nga fshatrat fqinje kur mësuan për aksionin, duke lëshuar gurë e objekte të ndryshme ndaj ushtarëve. Ushtria tha se ishte kundërpërgjigjur me mjete të shpërndarjes së grumbullimeve dhe kishte qëlluar ndaj personave të armatosur.