Izraeli ka nisur një tjetër fazë sulmesh në drejtim të Gazës. Pas bombardimeve, ushtria izraelite ka nisur një operacion për të liruar pengjet që mbahen nga Hamasi. Dhjetëra tanke dhe shumë trupa ushtarake po operojnë në terren duke sulmuar tunelet ku fshihen militantët e Hamasit. Shefi I shtabit të përgjithshëm të forcave të mbrojtjes së Izraelit tha se ky është një “pushtim I kufizuar” dhe se operacioni I madh ende nuk ka nisur. Ai shtoi se Hamasi po numëron “qindra të vdekur” dhe se komandantët e tij më të mirë po eliminohen njëri pas tjetrit. Operacioni po vijon dhe në frontin verior aty ku trupat izraelitë po përballen me Hezbollahun. Ndërkohë Hamas nga ana tjetër vijon të këmbëngulë se do t’I lirojë pengjet vetëm pasi Izraeli të lirojë të burgosurit palestinezë. Por pasojat e këtij konflikti po I vuajnë më shumë civilët. Si pasojë e bombardimeve në Gaza që kanë nisur nga 7 tetori kanë humbur jetën më shumë se 7600 persona, mes të cilëve dhe shumë fëmijë. Ndërkohë situata palestinezët është bërë tejet e vështirë pasi krahas mungesës së ushqimeve dhe ujit nuk po varrosin dot as viktimat pasi bombardimet nuk janë ndalur. Tmerr po përjetojnë dhe spitalet që me mungesën e karburantit nuk mund të mbajnë dot në punë aparaturat mjekësore, ndërsa numri I të plagosurve në pavione vijon të shtohet.