Pa e fshehur shqetësimin, sekretari i Përgjithshëm i Kombeve të Bashkuara, Antonio Guterres, i kërkoi vendeve te nisin menjëherë reduktimin e shpejtë e në shkallë të gjerë të emetimit të gazrave shkaktare të efektit serë. Është e nevojshme që të shmanget katastrofa klimatike, u shpreh ai i alarmuar. Thirrja e Guterres vjen përpara samitit të klimës që nis muajin e ardhshëm në Glasgou të Skocisë. Në një raport të hartuar nga një sërë agjencish të Kombeve të Bashkuara për çështjen e klimës thuhet se ndryshimet klimatike dhe ndikimet e saj po përshpejtohen.