Petrit Qoli nën akuzë për veprën penale të vrasjes me paramendim dhe i përfshirë në dosjen Plumbi i Artë, ka hedhur akuza të forta ndaj bashkëpunëtorit të drejtësisë Nuredin Dumani. Ky i fundit nuk u paraqit në seancë për arsye shëndetësore. Nga qelia e xhamit Qoli tha se ndihet i lumtur për SPAK dhe GjKKO, por nga ana tjetër thotë se po detyrohet të bëhet vrasës si Nuredin Dumani. “Si çdo shqiptar dhe ato të diasporës jam i lumtur për Spak dhe Gjkko. Dumani si vrasës me pagesë shijon jetën jashtë sallës dhe ne baltosemi. Ai do Coca Cola, palestër dhe femra. Jam dobësu 40 kg jemi në burg kot. Jam 25 vite besimtar prokuroria dhe gjykata mund të ma heqin baltën.Kam frikë se do vdes nga veremi, jo nga burgu. Ai është mongol leshator,do bëhemi si Nuredini do vrasim 5-6 vetë dhe 5 mln euro të gruposura dalim dhe marrim statusin, th Qoli para trumpës gjykuese. Sipas informacioneve, Gjykata pezulloi afatin e paraburgimit për të gjithë të akuzuarit deri në seancën e radhës, në datë 4 mars. Kujtojmë se Dumani ka dhënë dëshmi të forta gjatë seancave në Gjykatën e Posaçme. I penduari i drejtësisë ka treguar se si ishte porositur për të vrarë persona me urdhër të Erjon Alibeajt. Ai tha se Erjon Alibeaj kishte bërë një listë me dhjetë persona për t’i vrarë dhe në krye të kësaj liste ishte Talo Çela dhe Emiliano Ramazani. Nj ndër emrat më të kërkuar të drejtësisë shqiptare u kap nga policia e Fierit në mars të 2022 ndërsa ishte i plagosur. Ai akuzohet për disa vrasje, armëmbajtje pa leje dhe shfrytëzim për prostitucion.