Një aeroport sekret në Evropën Lindore është vendi ku shumë shtete dërgojnë armë për ti cuar më pas në Ukrainë Kryetari i Shefave të Shtabit të Përbashkët të Shteteve të Bashkuara, Gjeneral Mark Milley shkoi javën e kaluar në një aeroport pranë kufirit ukrainas tha një zyrtar i lartë i Departamentit të Mbrojtjes, duke parë nga afër përpjekjet për të futur armët në Ukrainë për ti ndihmuar kundërpushtuesit rus. Ndërsa ishte në aeroport, Milley u takua me trupat dhe personelin dhe ekzaminoi aktivitetin e dërgesës, tha zyrtari të premten. Vendndodhja e aeroportit mbetet një sekret për të mbrojtur dërgesat e armëve, duke përfshirë edhe raketa. Shtetet e Bashkuara dhe anëtarët e tjerë të NATO-s i kanë dërguar Ukrainës deri më tani 17,000 raketa antitank dhe 2,000 raketa Stinger, tha një zyrtar i lartë amerikan për CNN. Edhe para fillimit të pushtimit rus në fund të muajit të kaluar, qiejt mbi Evropën janë mbushur me avionë mallrash ushtarakë të SHBA-së dhe të tjerëve. Gjatë kësaj kohe forcat ushtarake janë vendosur përgjatë krahut lindor të NATO-s, por gjithashtu kanë lëvizur armët në pikat e transferimit ku ato mund të dorëzohen në Ukrainë. Që nga fillimi i pushtimit rus, 14 vende kanë dërguar ndihma armësh në Ukrainë, tha zyrtari, disa prej të cilëve rrallë kishin dërguar pajisje të tilla më parë.