Më shumë se 200 njerëz janë vaksinuar kundër Covid-19 në verilindje të Sirisë, në kampin Al-Hol. Zyrtarë vendas bëjnë më dije se janë vaksinuar të zhvendosurit dhe familjet e xhihadistëve të mundur. Procesi i vaksinimit, duke përdorur AstraZeneca nën programin Covax mbulon zonat dhe territorin e mbajtur nga qeveria të drejtuar nga një administratë lokale kurde. Ekipet siriane të ministrisë së shëndetësisë kishin vaksinuar 205 njerëz deri të mërkurën në kampin Al-Hol të provincës Hasakeh, tha për AFP shefi i provincës Issa al-Khalaf. Kampi strehon rreth 62,000 njerëz, kryesisht gra dhe fëmijë, përfshirë dhe dhjetëra mijëra anëtarë të familjeve të luftëtarëve. Sipas burimeve mjekësore brenda kampit, gratë e huaja të luftëtarëve po përjashtoheshin nga vaksinimi, akuzë e mohuar nga Khalaf. Ministria e shëndetësisë e Sirisë në prill mori një dërgesë të parë prej 203,000 doza të AstraZeneca përmes Covax, sipas Organizatës Botërore të Shëndetësisë. Pothuajse 7,000 njerëz janë vaksinuar deri më tani në zonat e mbajtura nga Kurdët, në një fushatë të filluar një muaj më parë, tha shefi lokal i shëndetësisë Jawan Moustafa. Zonat e Sirisë verilindore nën kontrollin kurd, ku mungesat mjekësore janë të mëdha, kanë regjistruar mbi 18,000 raste të koronavirusit, përfshirë 761 vdekje