Esmerald Balla vrau me armë zjarri babanë e tij Enver Balla pas një konflikti për 75 milionë lekësh të vjetra. Policia kthehet me karrotrec në Shënavlash për të marrë mjetin e fermës Balla, me të cilin dyshohet se është transportuar trupi i viktimës nga vendi i krimit deri tek pusi. Esmerald Balla banues në fshatin Shënavlash ka kallëzuar në Komisariatin e Policisë Durrës, se prej mëngjesit të datës 13 gusht të këtij viti, babai i tij ishte larguar nga banesa me një shtetase të panjohur për të. Esmerald Balla ka pranuar autorësinë e këtij krimi, pas një konflikti që kishte me babanë për një shumë lekësh 75 milione lekësh, kursime të përbashkëta familjare që dyshonte se ia kishte vjedhur viktima. 30-vjeçari pasi është kofliktuar fizikisht me babanë e tij, e ka vrarë atë me armë zjarri tip pistoletë. Armën e krimit e ka hedhur në një kanal, ndërsa trupin e babait e ka transportuar dhe hedhur në një pus në një arë të këtij fshati, rreth 1 kilometër larg nga vendi i ngjarjes. Trupi i 62-vjeçarit u transportua në Morgun e spitalit të Durrësit për ekzaminim mjeko-ligjor.