Një ngjarje tragjike ka ndodhur në fshatin Sllatinë të Tetovës, ku nënë e bijë janë gjetur të vdekura në rrethana misterioze. Sipas mediave vendase, nëna 36-vjeçe dhe e mitura 4 vjeç janë gjetur të pajeta në shtëpinë e tyre, ndërsa babai dhe djali janë në gjendje të rëndë në Spitalin e Tetovës. Ngjarjen e ka konfirmuar Policia e Tetovës, të cilët bëjnë të ditur se denoncimi është bërë rreth orës 14:00. “Menjëherë pas raportimit është vepruar dhe është siguruar vendi ku ekipi nga Tetova, në bashkëpunim me prokurorin publik kanë kryer inspektimin dhe me urdhër të prokurorit trupat e pa jetë të të ndjerëve janë dorëzuar për ekspertizë, ndërsa bashkëshorti i saj, 50-vjeçari me iniciale R.Sh., së bashku me djalin e tij të mitur, do të transferohen për ndihmë mjekësore në Spitalin klinik të Tetovës, e më pas personi 50-vjeçari do të ndalohet në Komisariat për veprime të mëtejshme”, njofton Policia e Tetovës.