Rusia dhe Kina po e përshkallëzojnë presionin ndaj partnerëve perëndimorë në krizën që po thellohet në Bosnje Hercegovinë, me rritjen e aktivitetit të Pekinit në këtë front, qe vihet re për të parën herë që nga fundi i luftës në vitet 1990. në një kohë kur kur BE dhe SHBA përpiqen që t’i bindin serbët e Bosnjës t’i japin fund bllokadës ndaj autoriteteve qeveritare, Moska dhe Pekini po kërkojnë një mbyllje të shpejtë të administratës ndërkombëtare atje, e cila është e veshur me kompetenca të veçanta. Pavarësisht se kushtet për mbylljen e misionit ende nuk janë përmbushur, Rusia dhe Kina këmbëngulin se tutela e jashtme nuk është më e nevojshme, pasi Bosnja është mjaftueshëm e qëndrueshme, thotë analistja e pavarur Julia Petrovskaya. Ajo kujton se Moska dhe Pekini kanë njoftuar se nuk do ta njohin administrin e ri ndërkombëtar në Bosnje. Nga ana tjetër, ato vazhdojnë ndikimin edhe me situatën në Kosovë, duke Perëndimin dhe integrimin e Kosovës në komunitetin global. Në nivelin diplomatik, Rusia dhe Kina kanë qenë më aktive se cdo vend tjetër në mbrojtjen e integritetit territorial të Serbisë, dhe në pengimin e përpjekjeve të Kosovës për t’u pranuar në OKB që pas shpalljes së pavarësisë së saj në vitin 2008. Petrovskaya thotë se interesat e Pekinit janë më shumë ekonomike, ndërsa Moska manipulon hapur dallimet dhe frikat e grupeve të ndryshme kombëtare dhe shpalos pareshtur propagandën e saj kundër Natos- dhe BE-së. Muajt në vazhdim do ta tregojnë, shkruan Petrovskaya, nëse Rusia dhe Kina janë gati të shkojnë edhe më tej në konfrontimin politik me Washingtonin e garantues të tjerë të paqes në Ballkan, megjithatë sipas saj, Nato-ja dhe BE-ja kanë ende mjaftueshëm mjete për të krijuar një kundërpeshë ndaj këtyre trendeve negative.