Aksidenti në zemër të Tiranës që la pas 3 të mitur të plagosur që udhëtonin me monopatina elektrikë është më I rëndi I këtij lloji por nuk është I vetmi. Top channel mëson se në 5 muajt e parë të ketij viti 212 persona janë lënduar nga aksidente apo incidente me monopatina. Ndërsa vitin e kaluar numri I tyre ishte rreth 700 Si monopatinat dhe bicikletat janë mjete rrugore prandaj në rrugë duhet të sillen si gjithë mjetet e tjera të respektojnë çdo sinjalistikë dhe rregull. Mirë është të mbajnë dhe kaskë pasi një rënie e vogël nga tensioni apo humbja e ekujlibrit sjell pasoja të rënda. Duke parë që trafiku në Tiranë nuk është smart do të sugjeroja që të vihej sa më parë në funksionim linja “giallo” ku të kalojnë autobusët por dhe këto mjetet vunerabël. Megjithëse monopatinat janë bërë masive në përdorim drejtoria e përgjithshme e shërbimit të transportit rrugor nuk ka bërë ende një klasifikim për t’i quajtur këto mjete elektronike motorike apo mjete çikliste duke krijuar kështu një vakum ligjor, dhe përball shkeljeve të tyre policia mjaftohet vetëm me këshillime. Fëmijet nën 12 vjeç nuk e njohin kodin rrugor. Nuk duhet të lejohen ti drejtojnë këto mjete pa praninë e prindërve Në lidhje me aksidentin e një dite më parë ekspertiza zbuloi se fëmijët me monopatina kishin shkelur semaforin. Pavarsisht 41 vjeçari që drejtonte makinën u vu në pranga nën dyshimin se nuk kishte respektuar limitin e shpejtësisë në zona urbane.