Një ekspozitë që vendoset përballë një të shkuare brutale kolonialiste. Muzeu i famshëm Rijksmuseum risjell skllavërinë në një formë tjetër, me shpresën të nxisë një debat të ri mbi këtë periudhë të dhimbshme të historisë së vendit: përballja me të vërtetën, si rrugë për të shpëtuar nga plagë të vjetra. The Rijksmuseum vendosi që ta paraqesë të gjithë historinë e Holandës, në një mënyrë më të plotë nga sa e kemi bërë më parë. Ne mendojmë se e shkuara kolonialiste është një element i rëndësishëm i historisë tonë kombëtare. Ishte koha që të celej një ekspozitë dhe për skllavërinë. Ne deshëm ta paraqesnim këtë në një mënyrë empatike, duam që njerëzit të jenë të aftë të lidhen me atë histori, ta shohin se i përket të gjithëve e jo vetëm një grupi të vogël personash. Kuratorët e eventit synojnë që kjo nismë të cojë drejt një debati më të mirë-informuar, e t`i nxise te gjithe ta dëgjojnë më shume njëri-tjetrin. Qëllimi është të përcjellim një informacion më të detajuar mbi historinë, thonë ata, e për këtë arsye përdoren edhe këngë në sfond apo shpjegime zanore të cilat t`i ndihmojnë vizitorët të hyjnë më mirë në atmosferën e kohës, duke rrëfyer të gjithë vuajtjet e atyre njerëzve që nuk u trajtuan kurrë si të tillë.