Elon Musk i ka kërkuar presidentit francez Emmanuel Macron të hedhë dritë mbi motivet e arrestimit të drejtorit dhe themeluesit të rrjetit të njohur rus Telegram në aeroportin Paris-Le Bourget. “Do të ishte mirë që publiku global të kuptojë më shumë detaje mbi arsyet e këtij arrestimi”, ishte komenti i Musk në një postim të Macron në rrjetin social X. Gjykata ka zgjatur dy herë periudhën e paraburgimit të Pavel Durov, ndërsa është shprehur se vendimi është pjesë e “një hetimi të gjerë kriminal mbi një person”. Një ditë më parë, Macron mohoi se ndalimi i Durov është bërë për motive politike, duke insistuar se arrestimi ishte pjesë e një hetimi më të gjerë gjyqësor, dhe se gjykata do të vendosë. Durov ka thënë më parë se është vënë nën presion nga SHBA, duke pretenduar në se kur ishte në SHBA ndiqej nga FBI dhe agjenci të tjera gjithë kohës. Akuzat ndaj 39-vjeçarit kanë lidhje me rrjetin e tij Telegram, i preferuar nga përdoruesit pasi nuk ka censurë. Në korrik Durov shkruante se numri përdoruesve aktivë në rrjetin e tij kishte arritur 1 miliardë.