Në imazhet e publikuara nga policia amerikane shihen momentet para vrasjes me armë të një të riu me ngjyrë nga oficeri i bardhë i policisë. Video e incidentit të 4 prillit tregojnë oficerët që mbajnë përtokë me gju në kurriz 26-vjeçarin Patrick Lyoya pas konfrontimit në një ndalesë trafiku. Por më vonë i riu me ngjyrë kishte vdekur nga një plumb në kurriz. Për ditën e dytë radhazi kishte protesta që kërkonin drejtësi për vrasjen e të riut dhe demonstruesit akuzonin departamentin e policisë për racizëm e forcë të pajustifikuar. I dyshuari raportohej se kishte dalë nga makina kundër urdhrave të oficerit dhe ishte përpjekur të largohej me vrap, siç shihet në video. Policia tha se përleshja kishte zgjatur rreth 90 sekonda në të cilën viktima kishte tentuar të kapte pistoletën elektrike të oficerit. Lyoya më pas ishte shtrirë në tokë nga polici që e urdhëronte “Lëshoje pistoletën elektrike!,” sipas pamjeve të publikuara, ndërsa nuk shihet momenti i vrasjes. Pamjet: AFP