Me sy aspak të mire e sheh Athina zyrtare vizitën e kryeministrit shqiptar Edi Rama në kryeqytetin grek në 12 Maj. Në një intervistë për gazetën Proto Thema , midis të tjerash kryeministri Mitsotakis i pyetur nëse është i mirëpritur për vizitë në Athinë homologu i tij shqiptar , ka deklaruar se «ai nuk vjen si mysafir i qeverisë greke, por për të folur me bashkatdhetarët e tij dhe e ka këtë të drejtë , pra nuk është një vizitë, me karakteristika dypalëshe». Por përtej kësaj, ka shtuar kreu i qeverisë greke që ka shprehur pakënaqësinë e tij - mendoj se edhe ky është një opsion që në kohën e tanishme, në kushtet e zgjedhjeve evropiane, më duket mjaft i panevojshëm. I pyetur në se qeveria greke mund ta ndalonte këtë tubim në një moment që Fredi Beleri ndodhet ende i burgosur, Mitsotakis është përgjigjur se tubimi nuk ndalohet pasi është një e drejtë e garantuar me kushtetutë, por se ishte një zgjedhje e panevojshme, në një moment kur ka probleme dhe tension të madh në marrëdhëniet greko-shqiptare.