Mijëra njerëz shoqëronin arkivolin e gazetares së vrarë të Al-Jazeera, Shirin Abu Akleh, nga Kisha katolike greke drejt varrezave të Malit Zion. Qyteti i Vjetër i Jeruzalem ishte mbushur plot me njerëz për funeralin e gazetares së vjetër palestineze. fillimisht policia izraelite bastisi vendin ku mbahej gazetarja e pajetë. ajo ishte amerikano-palestineze dhe u vra teksa raportonte sulmin e ushtrisë izraelite ndaj kampit të refugjatëve në Xhenin, në Bregun Perëndimor. Bashkimi Evropian tha se ishte “i shtangur” nga "forca e panevojshme" e përdorur nga policia izraelite para dhe gjatë funeralit të Abu Akleh. Gjyasmëhëna e Kuqe e Jeruzalem tha se 33 persona u plagosën gjatë funeralit, gjashtë prej të cilëve u dërguan në spital. Policia izraelite tha se kishte arrestuar gjashtë të dyshuar. Autoritetet palestineze thanë se gazetarja u vra nga ushtria izraelite, ndërsa Izraeli thotë se kjo nuk është e mundur të përcaktohet pasi po qëllohej nga të dyja palët. Incidenti vjen në një kohë tensionesh të ashpra mes Izraelit dhe Palestinezëve.