Nën ritmet e muzikës, me një kafe në dorë dhe duke shëtitur nëpër Tiranë me makinën e saj luksoze, ka zgjedhur që ta kalojë këtë të diel Monika Kryemadhi. Pas ndarjes nga bashkëshorti, Kryemadhi duket se po shijon një periudhë të bukur, ku copëza të aktiviteteve i ndan në rrjetet sociale me ndjekësit e saj të shumtë. Pak ditë më parë ajo u pa nën shoqërinë e kushërirës së saj, këngëtares së njohur, Bebe Rexha, duke bërë pazar në një market në Tiranë dhe duke pirë kafe. Teksa nga ana tjetër ish- bashkëshorti i saj, kreu i Partisë së Lirisë, Ilir Meta, vijon aktivitetin e tij politik, e po ashtu edhe atë fizik, duke shijuar natyrën apo duke bërë hedhje në lumenj e dete. Çifti, pas shpalljes zyrtarisht të divorcit, shfaqen në rrjetet sociale të qetë e me energji për jetën, ndërsa nga ana tjetër SPAK vijon hetimet pasurore të të dyve.