Mali i Priskës është pjesë e Parkut Kombëtar të Dajtit dhe ndodhet në lartësinë 1350 metra mbi nivelin e detit. Prej dy ditësh pjesë të tij po digjen nga flakët, që sipas kreut të Shërbimit të Zjarrfikëses së Tiranës, zotit Shkëlqim Goxhaj, është zjarrvënie e qëllimshme, një vepër penale, që dënohet nga 5-20 vjet burg. “I kanë vënë vetë, se duan të hapin kullota. Po është krim të dëmtosh një zonë të tillë turistike, që vizitohet në çdo stinë të vitit. Unë vij çdo fundjavë këtej. Të ketë shtet nuk guxon kush të bëjë një gjë të tillë”, thotë qytetari.