Këtë të enjte me urdhër të SPAK-ut, Gjykata e Posacme kundër Korrupsionit dhe Krimit të Organizuar ka firmosur nëntë urdhërarreste për ish-zyrtarë të Bashkisë së Tiranës, tre prej të cilëve janë arrestuar, ndërsa gjashtë të tjerë, janë lënë në masën detyrim paraqitje. Në pranga kanë përfunduar Mariglen Qato, ish drejtor i Inspektoriatit të Mbrojtjes së Territorit në Bashkinë e Tiranës dhe ish drejtorin e Ujësjellës Kanalizimeve të Tiranës, Redi Molla. SPAK ka kërkuar po ashtu masë të dytë sigurie 'arrest me burg' edhe për Taulant Tushën, ish-drejtorin e Punëve Publike në Bashkinë e Tiranës. Gjykata e Posacme la në masën detyrim paraqitje ish zyrtarët e tjerë Enton Punavija, Julian Zanaj, Albano Janku, Nestor Muhamellari dhe Debora Keçi.