Një shaka e Papa Françesku se një gotë tekila do ta ndihmonte dhimbjen e gjurit është bërë virale në rrjetet sociale. "E dini çfarë më duhet për këmbën time? Pak tekila!" u tha papa Françesku një grupi priftërinjsh meksikanë Papa po bënte xhiron e sheshit të Shën Pjetrit në Vatikan kur u ndal për t'i përshëndetur priftërinjtë, njëri prej të cilëve e pyeti për gjurin e tij. "Shumë kapriçioz," përgjigjet ati i shenjtë i buzëqeshur, të cilit i është dashur të anulojë disa audienca për shkak të këtij problemi shëndetësot. Nuk është hera e parë që Françesku bën shaka për tekilën. Në vitin 2016, përpara një udhëtimi në Meksikë, një prift entuziast i thirri atij në Sheshin e Shën Pjetrit "ne po të presim!" "Me tequila apo pa tekila?" - e pyeti papa me shaka.