Këshilli i ministrave mori vendimin për të mbyllur kolegji jo publik turk “Mehmet Akif Ersoy”, pjese e fondacionit Gulistan pas propozimit të ministres së arsimit. Vendimi për mbylljen është marrë 10 ditë nga nisja e shkollës dhe stafit të kolegjit I kërkohet që të pajisje me dokumentacionin e nevojshëm të gjithë nxënësit për transferimin e tyre në shkollat e tjera. Për këtë I ngarkohet detyre drejtorisë arsimore të tiranës që të kryejë transferimin e fëmijëve. Shkollës që po mbyllet I kërkohet që të mbulojë të gjitha shpenzimet për kryerjen e procedurave për transferimin e nxënësve. Por edhe të kthejë pagesat e kryera nga prindërit për vitin e ri shkollor, si dhe çdo detyrim tjetër të papërmbushur që mund të ketë ndaj nxënësve. Ndërsa të gjitha dokumentat duhet të dorëzohen në arkivën e drejtorisë arsimore. Kolegji privat “Mehmet Akif Ersoy”, që ndodhet në tiranë është pjesë e fondacionit gulistan të mbështetur nga Fejtulla Gylen, filantropi turk i shpallur në kërkim nga turqia. Ka qenë vetë presidenti turk Erdogan që bëri kërkesën shqipërisë për të mbyllur shkollat gyleniste.