Ministria e Jashtme e Malajzisë njoftoi se do të therrasë për shpjegime të dërguarin e Kinës pasi 16 avionë të Forcave Ajrore të Ushtrisë Çlirimtare të Popullit hynë në zonë eksluzive ekonomike të këtij vendi kur ushtria malajziane zbuloi një aktivitet të dyshimte mbi Detin e Kinës Jugore. Forcat ajrore të Malajzisë thanë se u përpoqën të hënën se avionët ushtarakë kineze fluturuan brenda 60 miljeve detare nga rajoni Saraëak i Borneos. Incidenti u përshkrua si një "kërcënim serioz për sovranitetin kombëtar dhe sigurinë e fluturimit" ne vend. Avionët kinezë nuk kontaktuan me kontrollin rajonal të trafikut ajror pavarësisht se u udhëzuan disa here. Ministri i Jashtëm Hishammuddin Hussein pohoi se Malajzia do të lëshojë një notë proteste diplomatike dhe do t'i kërkojë ambasadorit të Kinës të shpjegojë "shkeljen e hapësirës ajrore dhe të sovranitetit të saj"."Qëndrimi i Malajzisë është i qartë - të kesh marrëdhënie miqësore diplomatike me ndonjë vend nuk do të thotë se ne do të bëjmë kompromis mbi sigurinë tonë kombëtare", ishte komenti i tij. Ambasada e Kinës më herët tha se avionet po kryenin stërvitje rutinë dhe e "respektuan rreptësisht" sipas saj ligjin ndërkombëtar pa shkelur hapësirën ajrore të vendeve të tjera."Kina dhe Malajzia janë fqinjë të mirë dhe ne jemi të gatshëm të vazhdojë konsultimet bilaterale me qëllimin të ruajmë bashkarisht paqen dhe stabilitetin rajonal," tha një zëdhënës. Kina vazhdon t`i mëshojë pretendimeve ekspansioniste mbi Detin e Kinës Jugore, një rrugë e rendësishme detare kjo përmes të cilës kryhet cdo vit një tregti prej 3 trilionë dollarësh, e në ishujt artificiale të krijuar prej saj ka ngritur edhe struktura ushtarake. Brunei, Malajzia, Filipinet Tajvani e Vietnami kanë gjithashtu pretendime mbi ishujt e kësaj zone, e përplasjet me rojet bregdetare kineze nuk mungojnë.