Mbrëmjen e së shtunës Irani nisi sulmin hakmarrës ndaj Izraelit, duke lëshuar dhjetëra dronë në drejtim të tij. Lajmi konfirmohet nga midat ndërkombëtare, sipas të cilave, dronët e nisur nga Irani janë fiksuar prej satelitëve dhe do të duhet të paktën 5 apo 6 orë që ato të mbërrijnë në Izrael. Sulmi i Iranit është përgjigje ndaj sulmit izraelit në ambasadën e Iranit në Damask. Në një deklaratë televizive edhe zëdhënësi i ushtrisë izraelite Daniel Hagari konfirmoi se nga territori i Iranit ishin lëshuar dhjetëra dronë. "Ne po punojmë në bashkëpunim të ngushtë me Shtetet e Bashkuara dhe partnerët tanë në rajon për t'i kapur ato," tha Ai Si pasojë e këtij sulmi dy avionë që u ngritën nga Tajlanda me destinacion Tel Avivi u kthyen në aeroportin e tyre të nisjes pikërisht në momentin që filloi sulmi iranian kundër Izraelit. Këtë e kanë raportuar mediat izraelite. Sakaq edhe Autoriteti i Aviacionit Civil të Jordanisë dhe Irakut vendosur të mbyllë përkohësisht hapësirën e tij ajrore. "Sistemet tona të mbrojtjes janë vendosur, ne jemi të përgatitur për çdo skenar, si në mbrojtje ashtu edhe në sulm", tha kryeministri izraelit, Benjamin Netanyahu në një deklaratë, pak para se Irani të ndërmerrte veprime konkrete. Ndërkohë edhe presidenti amerikan Joe Biden ndërpreu udhëtimin e tij të fundjavës në Delauer për tu kthyer në Uashington për të diskutuar mbi tensionet në Lindjen e Mesme. Në rast se do sulmohej, ushtria izraelite tha se ishte në gadishmëri të plotë për t'u hakmarrë ndaj Iranit. Pamjet: AFP