Izraeli kreu sulme të reja ajrore të shtunën në periferitë jugore të kryeqytetit libanez, një bastion i Hezbollahut që ka parë sulme të përditshme si pjesë e një fushate të gjerë bombardimesh izraelite. Më shumë se 1,400 njerëz kanë vdekur dhe mbi 1 milion janë zhvendosur nga Liban, sipas ministrisë libaneze të shëndetësisë. Ushtria izraelite thotë se ka mundur të eliminoje 440 ushtarë të Hezbollahut në ofensivën tokësore të nisur prej katër ditësh. Prej disa ditësh luftimet në kufi dhe lëvizjet e ushtrisë izraelite po i ndjek në terren edhe një ekip i Top Channel. Gazetari Artur Bibe ka raportuar disa herë afër zonave më të rrezikshme, por sot teksa lëvizte në kufirin mes Izraelit dhe Libanit, rruga e ekipit devijoi për shkak të një plumbi të rënë në makinën me të cilën lëviz ekipi. Vetë gazetari sqaron se nuk bëhet fjalë për një sulm. Mediat e huaja raportojnë po ashtu se ushtria izraelite po përgatitet për përgjigjen ndaj breshërisë së raketave iraniane. Një zyrtar i lartë i Departamentit të Shtetit tha për CNN, se Izraeli nuk i ka dhënë ende garanci Shteteve të Bashkuara të Amerikës nuk do të synojë objektet bërthamore iraniane.