Portieri legjendar i Italisë Gianluigi Buffon megjithse është 44 vjeç, ka nënshkruar një kontratë për të luajtur me Parmën në kategorinë e dytë italiane edhe për dy vite të tjera. Futbollisti veteran do të qëndrojë me klubin e Serie B deri në vitin 2024 dhe do të jetë zgjedhja e parë për portën e Parmas. "Gigi është një lojtar i madh dhe nga më të mirët e kombëtares së Italisë, prandaj rinovimi është një kënaqësi për ne”, tha presidenti i Parmas, Kajl Krause. Ikona italiane e futbollit Buffon u rikthye te Parma nga Juventus verën e kaluar pas dy dekadash larg skuadrës ku nisi futbollin profesionist. 44-vjeçari ka një rekord prej 176 paraqitje me kombëtaren, ashtu si dhe rekordin prej 657 ndeshje në Serie A që prej debutimit me Parma në 1995. Ai ka fituar 27 trofe duke përfshirë kupën e botës në 2006 dhe kupën UEFA në 1999 me Parma. Parma ishte mes klubeve më të mira në Itali në vitet 1990-të, në pronësi të kompanisë së qumështit Parmalat, deri në falimentimin e saj në 2000.