Top Channel/ Legalizuan pronën shtet, Gjykata e Durrësit pezullon vetëm 4 punonjës të ish-ALUIZNI-t

Legalizuan pronën shtet shumë vite më parë, prokuroria e Durrësit kërkon pezullim për 9 punonjës të ish-ALUIZNI-t Durrës dhe IMT-së Shijak, ndërsa Gjykata e Durrësit vendosi masa të ndryshme. Gjyqtari Vladimir Skënderi vendosi pezullimin vetëm për 4 prej tyre, konkretisht drejtorin e zyrës së administrimit të basenit ujor Ishëm-Erzen-Mat Helio Huqi, përmbaruesin Dorian Zazani, punonjësen e bashkisë në Shijak, Marsida Shahini dhe inxhinierin Gerald Kaci, specialist hartografie në ASHK, ndërsa revokoi masën “Pezullim i ushtrimit të një detyre a shërbimi publik” ndaj shtetasve Mario Kërtusha, Mirgen Ismaili dhe Julian Kacadei, si dhe deklaroi të papranueshme kërkesat për të akuzuarit Artemis Malko dhe Merushe Telha.