Sekretari i Përgjithshëm i Partisë së Lirisë, Tedi Blushi ka publikuar rezultatet e votimit të bërë në Komitetin Drejtues për zgjedhjen e kryesisë së re të partisë që përbëhet nga 45 anëtarë. Pas ndryshimeve të bëra në konventën e Partisë së Lirisë më 27 prill, Monika Kryemadhi u largua nga kryesia. Ndërsa ajo çfarë vihet re në listën e publikuar është se në kryesi janë zgjedhur edhe dy të besuarit e Kryemadhit, Elona Guri dhe Endrit Braimllari, ndaj të cilëve Meta ka hedhur jo pak akuza duke i cilësuar si “tradhëtarë” edhe pse pa u përmendur emrat. Përkatësisht, Braimllari ka marrë 156 vota ndërsa Elona Guri 141 vota. Kujtojmë se ditë më parë, Braimllari dha dorëheqjen nga posti i nënkryetarit të PL, duke deklaruar se shkak ishin bërë faktorë të brendshëm në parti.