Krerët e dy shërbimeve më të mëdha inteligjente të botës, shefi i Agjencisë Qendrore amerikane të Inteligjencës, CIA, William Burns, dhe homologu i tij rus, Sergey Naryshkin u takuan në Turqi, dhe boshti i bisedës ishte përdorimi i mundshëm i armëve bërthamore të Moskës në Ukrainë. Nuk u fol për zgjidhje apo marrëveshje mbi fundin e luftës në këtë vend; theksi u vendos tek arsenali i tmerrshëm atomik. Burns i kujtoi shefit të shërbimit sekret rus pasojat që do të pasonin një lëvizje të tillë nga ana e Kremlinit. Sipas një zyrtari të Shtëpisë së Bardhë, ukrainasit ishin njoftuar për takimin para se Burns të udhëtonte drejt Turqisë. "Informuam Ukrainën përpara se të mbahej ky takim. Ne i qëndrojmë besnik parimit tonë, asnjë veprim për Ukrainën, pa Ukrainën””, tha zëdhënësi. Vladimir Putin e ka përsëritur vazhdimisht se Rusia do të mbrojë me çdo mjet territoret e saj nëse sulmohet, përfshirë përdorimin e armëve bërthamore. Sipas tij Perëndimi është angazhuar në shantazh bërthamor kundër Moskës. Këto qëndrime e shqetësuan në mënyrë të vecantë Perëndimin pasi Rusia deklaroi në shtator se kishte aneksuar katër rajone ukrainase.Përtej konfliktit në Ukrainë ndërkohë, Rusia dhe Shtetet e Bashkuara kanë një seri çështjesh për të diskutuar që zgjatja e traktatit mbi kontrollin e armëve, marrëveshja për grurin, shkëmbimin e të burgosurve apo lufta civile në Siri. Pamjet: AFP