Konflikti i armatosur mes Armenisë dhe Azerbajxhanit në veriperëndim të rajonit separatist Nagorno-Karabakh është rindezur sërish. Të dyja vendet njoftuan të premten për të vrarë në luftime raporton Reuters. Ministria e Mbrojtjes e Armenisë njoftoi se dy ushtarë të saj humbën jetën dhe një tjetër u plagos pranë fshatrave kufitare Sotk dhe Norabak. Ndërkohë Azerbejxhani fajësoi Armeninë se sulmoi me dronë pozicionet e saj përtej kufirit, në rajonin e Kalbajarit, duke plagosur tre ushtarë të tij. Nga ama tjetër zyrtarët armen thanë se Azerbajxhani shtoi numrin e forcave në afërsi të kufirit, dhe më pas sulmoi pozicionet e saj me dronë, predha dhe të shtëna me armë të lehta. Por Azerbajxhani e mohoi këtë gjë duke theksuar se sulmi u ndërmorrë si kundërpërgjigje pasi Armenia sulmoi e para. Nagorno-Karabakh, që ndërkombëtarisht njihet si pjesë e Azerbajxhanit, ka qenë burim konflikti mes dy fqinjëve në rajonin e Kaukazit, që nga rënia e Bashkimit Sovjetik, në vitin 1991, dhe ndërmjet armenëve etnikë dhe azerëve për më shumë se një shekull. Edhe se mes dy vendeve u arrit një marrëveshje paqësore rreth përcaktimit të kufirit incidentet e armatosura nuk janë evituar. Pamjet: AFP