IKMT ka lajmëruar konfiskimin e një pallati në ndërtim në zonën e Lungomares në Vlorë. Këtë veprim e lajmëroi edhe kryeministri rama ndërsa në aksionin e kontrollit ishte drejtuesja e IKMT Dallëndyshe Bici. Sinkron: Dallëndyshe Bici, drejtore e IKMT Kryeministri Rama shpërndau videon e kontrollit të IKMT në kantier shkruante në rrjetet sociale se këtë fat do të kenë të gjitha objektet me shkelje të lejes së ndërtimit, të cilat sipas rastit e nevojës do të shemben apo konfiskohen nga shteti për funksione publike, ndërkohë që punonjësit e bashkive që kryejnë sipas ligjit akt-kontrollet në çdo fazë të ndërtimit dhe mbyllin sytë përpara shkeljeve, do t’i përcillen prokurorisë për një sërë veprash penale të mundshme. Kryeministri lajmëroi se së shpejti do të miratohet reforma e re e kontrollit mbi territorin, me masa të reja shtrënguese dhe përgjegjësi administrative e penale edhe për “symbyllurit” që paguhen me taksat e shqiptarëve, si inspektorë e shefa bashkie, punonjës e shefa policie dhe me radhë. Rama shkruan se Shqipëria 2030 në BE kërkon fundin e këtyre fenomeneve, ndërsa 99% e qytetarëve që respektojnë ligjin, meritojnë hapësira publike të pacënueshme më nga askush