Autoritetet në Venezuelë kanë arrestuar dy shtetas spanjollë, tre amerikanë dhe një çek të cilët dyshohen se kanë thurur plane për të destabilizuar vendin. Ministri i Brendshëm i Venezuelës, në një konferencë për shtyp tha se dy spanjollët dyshohet se ishin të lidhur me shërbimin sekret spanjoll dhe po planifikonin vrasjen e një kryetari bashkie. Por ministria e Jashtme spanjolle e mohoi këtë pretendim. Njoftimi i Venezuelës ka të ngjarë të thellojë tensionet ekzistuese të vendit me Spanjën dhe Shtetet e Bashkuara pas zgjedhjeve të diskutueshme presidenciale të Venezuelës në korrik. Autoritetet ne Venezuele akuzojne gjithashtu tre shtetas amerikanë dhe një çek për përfshirje në akte terroriste, përfshirë planet për të vrarë Presidentin Nicolas Maduro dhe zyrtarë të tjerë. Departamenti i Shtetit tha se Shtetet e Bashkuata te amerikes nuk janë të përfshira në asnjë përpjekje për të rrëzuar presidentin e majtë të Venezuelës.